Eusko jaurlaritzak ez ditu mandatuak betetzen

Azaroaren 8an 60 lagun inguru elkartu gara Eusko Jaurlaritzaren bulegoen aurrean, Jaurlaritzak ez duela Legebiltzarraren ebazpenak betetzen salatzeko.
Azaroaren 2an, Legebiltzarrak Jaurlaritzari 9 hilabeteko epea eman zion etxeko langileen lan baldintzak eta asetzen ari diren beharren inguruko azterlan bat egin zezan. Epea agortuta, ez dute ikerketa egin, ez dutelako inongo interesik errealitatea azalarazteko.
Halaber, etxeko langileek ezin dituzte kontziliaziorako Jaurlaritzaren diru laguntzak jaso, seme-alabak eta gainontzeko senideak zaintzeko eszedentzia edo lanaldiaren murrizteketa egoeran daudenean.  Laguntza horiek gainerako langile guztiek jaso ahal dituzte. Maiatzean, Legebiltzarrak (EAJ, PSOE eta PP botoekin) ebazpen bat onartu zuen, aldaketa onartu gabe eta konponbidea atzeratzeko asmoz.  Ebazpenaren arabera,  Jaurlaritzak sektoreko laguntzak aitortzeko bideragarritasuna ikertu behar zuen. Gaur egun, EAEko Aurrekontuen eztabaidaren erdian, oraindik ez dakigu diru kopuru bat aurreikusita dagoen ala ez etxeko langileen bazterketa amaitzeko 2018an.

Gizarte elkarteak:  Berri Otxoak, Mugarik Gabe, Mujeres del Mundo Babel, Posada de los Abrazos, Zentzuz Kontsumitu.

Sindikatuak: ELA, ESK, LAB, STEILAS.